【產後修身】多方位了解身體更有效做運動消脂、提升肌肉量

IMG_6524

啱啱生完BB,身體狀態大不如前,除咗體重增加、體脂增加、腹直肌都明顯鬆弛咗好多,每日照鏡都令人沮喪,不但體型上嘅問題,平日抱BB/埋身餵奶會出現腰背、脊椎或膝關節疼痛等媽媽們嘅常見問題,嚴重時甚至痛得夜夜難睡眠。為了改善問題,我除咗做運動修身消脂之外,亦透過了解身體數據針對性地提升肌肉量,等自己更有力照顧阿B!

曾經嘅我,迷失喺體重數字上,會單憑體重數字判斷自己屬肥屬瘦,睇到產後體重回落,妄想佛系修身。但自從唔同部位出現痛症,就發現我應該更注重體脂肪率、肌肉量、肌肉質量指數等,減脂肪、增肌肉量同時充補足夠水份才是真正嘅產後修身王道。所以我要均衡飲食、配合消脂運動、負重運動等,希望集中訓練核心肌肉組群,重新鍛煉肌肉,去改善產後痛症問題!

IMG_6526

IMG_6813


俗語講:工欲善其事,必先利其器,唔想好似盲頭烏蠅咁做咗好多消脂運動,都唔知肌肉量有無提升、運動除咗消脂仲有邊樣成效同幾大成效既話,我就選擇配合埋 TANITA 嘅 BC-402「體組成磅」嚟check清楚自己身體肌肉量比例,掌握體脂肪率、肌肉量、肌肉質量指數等唔同數據,等自己好好掌握消脂運動嘅成效,先令修身事半功倍。

IMG_6632

同大家分享下呢個 TANITA  BC-402「體組成磅」,佢係一個有愈70年歷史嘅日本大品牌,大細A4 size左右好易收納,磅面係用堅固強化玻璃造,衛生安全又耐用。

IMG_66321

佢嘅用法好方便,除咗就咁企上去外,只要連接手機程式TANITA HealthPlanet,就可以輕鬆管理做消脂運動前後數據變化走勢,總共可以測出10類身體數據,仲可以儲存最多5位家庭成員嘅數據,好啱一家大細用。睇住數據做消脂運動,增加肌肉量有幾大成效一目了然,令目標更易達到!

IMG_6639


用法好簡單,只需要開TANITA HealthPlanet app,將智能體組成磅以藍牙連接手機就搞掂。

Untitled-1

磅後會有10個身體組成狀況數據,包括:體重、體脂肪率、體水份率、骨質量、肌肉量、內臟脂肪、BMI、體內年齡、基礎代謝量和TANITA獨有的體型判斷等數據顯示出螢光幕。所以喺APP入面都可以清楚咁睇番自己既身體數據,令我可以多方位了解自己身體、尤其係體內年齡狀況。

IMG_6394

仲記得我產前嘅體重係44-46kg左右,BMI係18 -19,單睇體重/BMI我已差不多回到產前嘅體重,不過,其實人體嘅總重量係包含咗肌肉量、骨量、水、脂肪等,所以體重降低有可能只係水份漏失多咗、肌肉量少咗,絕對唔代表脂肪少咗。再睇睇體脂肪率、肌肉量、肌肉量判定指數、體脂肪率係人體脂肪和體重嘅百分比,成年女性超過30%就係醫學上嘅肥胖,雖然我依家只係26.7%未到肥胖,但已不及產前嘅22%-24%咁Fit (因為產後少左做消脂運動)。

y


而肌肉量、肌肉量判定指數更加急速下滑,肌肉量、肌肉質量可以顯示肌肉嘅狀況好唔好,亦間接反映運動表現、受傷風險柔韌性及生活習慣等,所以「質」和「量」同時重要 ! 產前嘅我每星期都會夜跑4-5次,加上深蹲、循環訓練等workout/做GYM,肌肉量平均有38-40kg左右,依家只有34.7kg。而肌肉量判定指數只係-1,剛剛踏入中等水平,肌肉量判定指數愈高, 肌肉質量指數相對愈高,如跌到-2 ,已屬偏低水平,睇嚟我要增加負重訓練、循環訓練、深蹲等練習嘅時間,將原本嘅每星期2日,加至4日,再配合慢跑去追番之前嘅進度,希望可以增加肌肉量同質量,畢竟腰背、脊椎或膝關節問題都要靠拉筋同運動改善。

U

睇完一大堆數據,知道產後修身真係一個大project!雖然我仍未成功,不過總算搵到一個清楚而明確嘅方向,知道自己修身路應該點行!的確要歸功於TANITA嘅BC-402體組成磅,令我明白到修身唔應該只睇表面體重,反而要考慮體脂計算、肌肉量、肌肉量判定指數、推定骨量、體內年齡等環環相扣既數據,以前呢類數據都要去做GYM/美容院先會睇到,依家有咗呢個磅真係好方便,各項數據隨時一目了然。
對於產後媽媽嚟講,BC-402體組成磅係一個非常好嘅修身輔助品、目標指引!好推介大家去買呢款磅,了解自己身體嘅肌肉量同脂肪比例,等自己針對性做每一下消脂運動,發揮最大功效,令自己嘅修身之路事半功倍、重回正軌。

IMG_6525

正確嘅體重管理培養,由TANITA BC-402體組成磅開始!

另外,大家產後修身同時想有高營養母乳可以餵奶,就唔好忽略蛋白質、鈣同維他命D嘅吸收!我會多食乳製品、豆類、魚類、海藻、蔬菜,接觸陽光,吸引多點維他命D,等身體有足夠儲存製造高營養母乳俾BB,同時以防產後骨質疏散問題。

e


產品體驗: TANITA智能體組成磅BC-402
以上為個人感受,對產品有興趣可到以下網站了解
https://tanita.asia/product/BC402

♥♥♥♥♥♥♥♥♥♥♥♥♥♥♥♥♥♥♥♥♥♥
♥Follow Facebook: B.Yuetyuet
♥Follow ig : Byuetyuet
top_fb
♥♥♥♥♥♥♥♥♥♥♥♥♥♥♥♥♥♥♥♥♥♥
免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。
歡迎合作聯絡合作,Event、產品、食品、穿搭分享: bduckyuet@yahoo.com.hk
❤ FB iGBlogspot ❤ OpenRice
❤ the ZtyleShe.comBE uBlogBL