從新認識,Bio Oil的13種用法,你中咗幾多樣?

 

對於Bio Oil,每次我都會來一個想當年... 呢個"想當年"嘅故事都好耐冇講過啦,因為依家跟本就唔會有人唔知Bio Oil 係d 乜,我亦唔再需要作詳細介紹或真實用家分享啦。


 

 

 

 

說來話長,如果大家對我認識深,大概都知我肚皮上有條6吋長嘅疤痕。係因小時一個大手術所至。一個病無奪取我嘅性命,但就將我由一個120磅嘅肥妹仔變成90磅啱夠嘅排骨。及後,湊大我嘅嫲嫲先我瘦成咁,心痛下將我係3個月內再谷返上130磅... 難以想像...

(今日呢一個身段,係我千辛萬苦keep 出黎架。)

 

 

 

肥-->瘦-->肥 事發不過半年,你可以想像我嘅皮膚有多難受嗎?橙皮紋生到全身都有,大腿、patpat、連腰同胸都有,腰間嘅紋,我可以用沙漠紋黎形容。

 

 

呢半年催谷得咁厲害,原因係我要到澳洲讀書,愛孫心切,嫲嫲呢個舉動可以理解嘅,但就留下咗永不磨滅嘅烙印。好在,我識到一班好同學,佢地嘅媽咪都好鐘意我 (我成日都覺得係因為當年南澳華人少,佢地見到我覺得好新奇好得意 XDXD) 有位係醫院工作嘅媽媽送在支Bio Oil 比我,於是我日擦夜擦,橙皮紋終於減淡咗,胸係完全無晒,膝蓋都變淡左好多,唯有大範圍嘅地方如腰同pat pat,到依家仍隱約可見。

 

 



 

當年因為只係一名留學生,買一支Bio Oil 對我黎講都真係幾重皮,加上Original size 只有125ml,每日兩次全身查,2個星期就會K一支,真係唔太好意思又問朋友媽咪攞,所以去到咁上下,我就停用咗啦。不過如果唔係Bio Oil, 深信我今日會無自信著Bikini。

 

 

回港後,每次妹妹回來渡假我都會託佢帶一支125ml 返黎,細細支唯有慳住用。去到幾年前香港終於有得賣,定價仲要唔係貴 (HK$180)。而時至今日,Bio Oil 亦推出咗200ml (HK$250) 大支裝啦,唔洗成日入貨,感覺冇咁惡啦! 

 

 

呢日出席Bio Oil嘅gathering,令我重新認識呢位老朋友,以前只知道佢有幾好,但好嘅原因一概唔清楚,今日終於知道原來入面除咗有專利成份外,仲有金盞花、洋甘菊、薰衣草同迷迭香。作為一個香薰治療師,一睇就知呢幾個油就係對付受損皮膚嘅神油,由修復、抗敏、鎮靜、去收緊。另有Vit A 同 Vit E,改善暗啞,明亮膚色。我到今日先知,原來我一直用緊d 咁滋補嘅嘢!haa,後知後覺添~

 



其實,Bio Oil 嘅用法又何止塗橙皮紋,雖然都知道佢對滋潤乾燥肌膚都好有幫助,但唔知道嘅係原來有成13個用法咁多。今日嘅活動,就demostrate 咗2樣,面膜用手膜,真係令我從新認識Bio Oil 呀!

 

 

塗完Bio Oil 再敷面膜,其實加入clay mask 都可以,深層清潔加滋潤,下次試下先!

 

 

我有用#2、3(橙皮紋同類)、8... 有時都會DIY 下#6,下次加埋Bio Oil 試下先。



 

其實Bio Oil成份含有咁多花精華, 今日一於繼續比花包圍,先來一杯Rose Latte,再用乾花DIY手飾擺設,一日做晒我鐘意嘅事!開心~ 玩到唔捨得走!

 

 

 

分享一下我嘅杰作先~

 



 

 

 

我嘅Magic Corner 越黎越豐富啦!繼續努力,做自己喜歡的事!

 



 

Thank you Bio Oil~ Taking care of my life!

 

 


----------------------------------------------
Follow Me on Gi C Life
wengichow@gmail.com

 

 

-------------------------------------------