【暑假StayCation】小小夢想家體驗 x 親子住宿 x 暑期推介 | 親子本地遊

  2. by 和牛b的成長日記
  3. July 7, 2021
話咁快小朋友又準備放暑假啦!!
 
最近，我哋去咗旺區嘅酒店StayCation享受親子度假時光。
 
酒店位於旺區鬧市入面，所以搭交通工具過去都非常之方便!!
 
重點係，酒店嘅package抵玩!! $988入住再送$800餐飲消費額之餘，仲有一系列小朋友消磨時間嘅工作坊同埋playhouse!!
 
可以話入住兩日一夜，都唔洗離開酒店都相當充實呀!!
 
^ 帝樂文娜公館
 
今次入住嘅酒店係位於尖沙咀嘅「帝樂文娜公館」，呢間酒店係以北歐風格，酒店入面亦充滿藝術文藝氣息。同一般酒店好唔同，呢到好有自己嘅主題，好有獨特嘅風格!!
 
 
暑假期間仲推出親子住宿優惠為「Be a Dreamer小小夢想家」，住宿優惠入住期為2021年7月1日至8月31日。
 


 
價錢亦抵玩，星期日至五定價為每晚$988，星期六入住定價為$1,188起，並贈送$800餐飲消費額，可於入住期間到酒店餐廳FINDS及酒吧Dada Bar + Lounge使用。
 
而酒店餐廳「FINDS」更推出咗「FINDS
x Done by Deer兒童套餐」，包括三款主菜選擇、自家製雪糕伴新鮮雜果及果汁。
 
^ 酒店餐廳FINDS
 

「Be a Dreamer小小夢想家」


·      長達30小時住宿體驗 (可提早於上午9時登記入住至翌日下午6時退房，視乎供應情況作確認）
·
免費升級至尊尚客房供最多兩位成人及兩位小童入住
·
每房每晚贈送港幣800元餐飲消費額於酒店餐廳FINDS及酒吧Dada Bar +
Lounge使用
·
兒童迎賓禮物
·
全日免費使用「HAPE遊歷家兒童遊樂園」（開放時間: 上午10時至下午5時45分)
·
免費參加各項工作坊及親子活動
·
免費借閱精選繪本享受親子共讀時間
·
客房內迷你酒吧及房內用餐菜單半價優惠（餐酒除外）
·
FINDS及Dada Bar + Lounge餐飲七折優惠 (只適用於單點菜單)
·
免費使用健身室
 
而家我就開始分享，我哋今次入住嘅體驗啦~~
比較詳細，所以相片同埋字亦都比較多哦~
 
呢間係我哋住嘅房間，我哋一家四口入住，唔想迫埋一張床所以選擇了Twin Bed。
如果鍾意一家人瞓，亦可以要求King Size床~
 


^ 入住前可以預先同酒店要求，安排BB床俾妹妹~
 
房間超有心機嘅佈置，亦超有度假風呢!!
 
最開心就一定係小朋友啦~~


 
衛浴設施及設備
 
^ 牆身裝修富有藝術風格
 


^ 房間係採用浴缸，如果需要BB沖涼盤亦可以預先同酒店講
 
^ 個人衛生用品，牙刷套裝
 
^ 兒童嘅個人清潔護理套裝 (沖涼液、洗頭水及潤膚露)
 


^ 成人嘅個人清潔護理套裝 (沖涼液、洗頭水、護髮素及潤膚露)
 
房間亦有提供兒童、成人拖鞋 (妹妹腳仔實在太細啦，所以我哋冇用到拖鞋)
 
房間亦有USB Port，方便大家用USB線充電~
 
入住期間，我哋都參與酒店安排嘅小小夢想家活動~
 


 
我哋參與咗6個活動，就係小小廚師、繪本共讀、小小實驗家、毛巾藝術教室、小小調酒師以及超現實遊蹤。
 
等我慢慢同大家詳細分享呢6個活動先~~
 
小小廚師
今次嘅活動，由FINDS餐廳入面嘅靚仔廚師哥哥教和牛b同妹妹做Pizza。
換上專業嘅廚師服飾、戴上廚師帽、洗乾淨雙手就可以馬上開始啦~~
^ 自動搓麵團，再加上配料及裝飾


^ 唔怕污糟愛探索嘅妹妹，都一齊搓~
^ 話咁快就完成咗自己嘅Pizza啦~
 
^ 妹妹太細個，所以冇合適嘅廚師衫~不過好彩我哋頭圍夠大 (哈)
 


^ 大概8分鐘，就焗起自己做嘅Pizza，好好味呀!!
 
^ 完成後，仲有一張證書
 
超現實遊蹤
呢個活動就好似尋寶遊戲咁，跟住酒店哥哥/姐姐遊走整間酒店，跟住指示去完成每個任務~
完成任務，仲有小禮物送俾小朋友哦~
 
^ 和牛B嘅二幽次創作作品


^ 跟住指示去完成每個任務
 
毛巾藝術教室
到底一條平平無奇嘅毛巾，可以做啲咩?
一條毛巾，係可以意想不到地，創造唔少動物~
今次，我又學咗好多嘢啦!!
只要簡單工具，毛巾一條、橡筋數條再加返眼睛同絲帶做裝飾，可愛嘅毛巾動物就完成!!


估唔到係咁容易!!
我哋今次學咗整啤啤熊、兔仔、青蛙，完成後仲可以揀一隻帶返屋企~
小小調酒師
真真正正第一次參與嘅活動體驗，當和牛B換上制服之後!!
突然覺得和牛B大個女咗好多，再見到佢跟FINDS餐廳專業嘅調酒師學師之後，眼見和牛B完全跟得上，冇失手!!
 
媽媽我真係好安慰呀!!


完成課程後，仲有一張證書~~
同埋可以飲下自己調嘅飲品，酸酸地好提神好開胃呢~
 
繪本共讀
活動啱晒鍾意聽故事嘅和牛B，仲一聽聽咗兩個故事添呀~
 


當和牛B好專心聽故事嘅時間，我哋又可以休息一下了~(哈)
小小實驗家
 
 
酒店聯同科學機構「Little
Scientist 小小科學超人」合辦科學探索STEM工作坊，課堂入面和牛B學會了實驗室嘅工具、用品。
 
仲認識咗恐龍嘅特性，同時仲落手落腳去做恐龍化石。
 


^ 和牛B第一次接觸顯微鏡，覺得好新鮮!!
^ 妹妹都一齊做小小實驗家~


^ 認識完恐龍之後，和牛B開始動手做自己嘅恐龍化石
仲有佢自己掘嘅，恐龍化石BB~
**報讀小小科學超人優惠**
凡持有帝樂文娜公館 THE LUXE MANOR 收據（2021/7/1 - 2021/8/31），可以享有以下優惠：
*優惠碼*：LSE
 
初級科學家：（新生）
可享買一送一workshop 優惠（只限一堂） 
資深科學家：（舊生） 
*報讀任何恒常班額外多送2堂或送2堂workshop
 
* *是次優惠只限荃灣D．Park基地*
帝樂文娜公館其實好多打卡位，酒店公共空間位置都有好多藝術品同畫作。
 


啱晒鍾意影相打卡、欣賞藝術品作品嘅父母。

HAPE遊歷家親子遊樂園 

酒店仲特意聯同著名德國木製玩具品牌HAPE打造「HAPE遊歷家親子遊樂園」，入面提供一系列以FSC認證嘅天然實木及天然無毒無味顏料製造嘅玩具。

 

玩具包括唔同音樂系列、角色扮演玩具、火車拼砌及STEM玩具等。

仲有超可愛嘅「跳飛機」遊戲。



^ 木製火車拼砌玩具亦係好適合男仔女仔玩~
 

入面仲有HAPE嘅皇牌產品「廚房系列」玩具，真係超吸引和牛B同埋妹妹呀!!



音樂玩具亦好多選擇，有三角琴、結他、琴等。


開放時間: 
上午10時至下午5時45分，每節為45分鐘 (每節之間亦會進行消毒清潔，以確保健康及安全)
 
 
酒店餐飲


^ 「FINDS x Done by Deer兒童套餐」
^ 慢煮雞胸肉扁意粉
^ 自家製雪糕拌新鮮雜果


^ 頭盤 - 煙薰烤美國牛柳
^ 香烤龍蝦三文魚湯 - 味道好香濃，如果鍾意濃味必選呀!
^ 香烤榛子白甘筍芹菜頭湯 - 味道好清新


^ 鱈魚柳伴月桂葉 - 鱈魚超嫩滑 (正)
^ 香烤美國牛柳 - 7成熟，牛肉好淋牛味好香!
^ 是日精選甜品
 


^是日精選甜品
 
第二朝，我哋都係去咗酒店餐廳進食。
^ 兒童版All Day Breakfast
 
兩日一夜，轉眼就過。
今次住呢到，除咗有度假風之外，亦相當充實~
小朋友亦都好開心，因為佢好期待所有活動以及去酒店Playhouse (HAPE遊歷家親子遊樂園)玩!
真心推薦俾大家~


**升級優惠**
除咗我哋住嘅酒店客房外，酒店更特設升級服務。
佢哋有兩間別具特色嘅主題套房，分別係以北歐冰雪世界為題嘅「NORDIC」及充滿中東情懷嘅「SAFARI」。
北歐冰雪世界為題嘅「NORDIC」房間


^ 酒店亦提供咗特色嘅服裝於房內，讓客人作主題攝影之用
^ 酒店亦提供咗特色嘅服裝於房內，讓客人作主題攝影之用
而家可享優惠價$2,988元(房價原價為港幣5,880元)，入住上述升級主題套房，除了可享受「Be a Dreamer小小夢想家」住宿假期嘅禮遇外，更可獲贈免費早餐予最多兩位大人及兩位小朋友享用。
 
【帝樂文娜公館@尖沙咀】

 

地址：香港九龍尖沙咀金巴利道39號帝樂文娜公館
電話：(852) 3763 8888
電郵：info@theluxemanor.com
網址：https://www.theluxemanor.com/
Facebook：https://www.facebook.com/theluxemanor/
Instagram：http://www.instagram.com/theluxemanorhk

 

@FINDShongkong
@theluxemanorhk #FINDShongkong #theluxemanorhk

 

============================

記得Follow埋我哋Facebook、MeWe同Instagram呀

https://www.facebook.com/80smami
https://mewe.com/p/和牛b的成長日記
http://www.instagram.com/wagyubmami/

============================

我的網店C.Mozo Store
https://cmozostore.mallogram.com/zh-hk/