【戶外放電】特式公園。飛機主題兒童遊樂場 | 免費放電
- by 和牛b的成長日記
- November 16, 2020
九龍城以前嘅特式係咩呀？
就係有香港嘅機場囉~~
細細個嘅時候，我好怕跟屋企人去九龍城。
因為成日都有飛機升降，飛機嘅聲真係好大、又巨型！
其實諗返，個畫面都幾震撼！
因為大大架飛機，就喺頭頂飛過！
而機場亦已經搬咗去赤鱲角N年，所以飛機喺九龍城升降都已經變成咗歷史啦！
亦因為咁，飛機同九龍城就好有關係了~
最近我哋都帶咗和牛b去，位於九龍城嘅飛機主題公園玩，公園唔算好大！
但係特別之處，就係飛機為主題。
相信小小飛機迷一定會好鍾意呢
飛機造型嘅遊樂設施，仲有兩條滑梯，攀爬遊戲設施
仲可以扮揸飛機
^ 搖搖飛機
呢個遊戲板超得意，模仿喺飛機跳降落傘！
飛機翼斜台樓梯
至於地下嘅地墊，亦有唔同外型嘅飛機圖案。
前往方法:
九龍城南角道旁嘅隧道入，穿過隧道上樓梯就到。
穿過隧道時，仲有驚喜呀 ！
幅牆有幅好靚嘅鯨鯊、海洋世界畫呢！
希望大家都喜歡我介紹嘅地方，也讚好、追蹤我哋嘅Facebook (http://www.facebook.com/80smami/) ，留意最新嘅好去處/好物分享哦~~
<<溫馨提示>>
1.進行戶外活動，記得要做好防曬及防蚊措施
2.疫情關係，記得戴好口罩、勤用消毒搓手液。勿摸眼、口、鼻！
3.公園內並無洗手間，如果要去廁所需要去到九龍城廣場或九龍寨城公園內洗手間。
地點: 馬頭圍道太子道西
--------------------------------------------------
