玫瑰痤瘡-我的故事

玫瑰痤瘡- 我的故事

 

 

我是係 2013年 9月確診 玫瑰痤瘡,我係出世直至患病前,皮膚一直好好,成日都會有人讚我皮膚好。但係 自從患病之後,皮膚一直好唔 穩定 ,一時好紅,一時好痕,有時成面生粒粒,心情同自信心跌落谷底 。 做小小運動或者熱親焗親面珠就會紅同熱。其實我第一次聽到玫瑰痤瘡呢個病名係係我未病發之前,有一個醫生已經話我有玫瑰座瘡  。但係個時沒有理會那個醫生 .....

 

第一次 認識玫瑰
2013年3月時,係同事之間聽到中環有一個皮膚的名醫徒弟姓林( 應該好多人都知道係邊個),個醫生會開一set適合你的皮膚的skincare俾你用,咁自己晤使去出面亂買護膚品 。貪靚既我梗係即刻第一時間衝去試啦 !第一次去到診所,醫生一見到我就問我係咪好易面紅 ,我個時我都唔覺得自己有面紅問題,咁我就話冇啦。跟住睇左一陣醫生就同我講有一種病係叫玫瑰座瘡,患者好容易面紅,但係佢個紅係會比一般人難d退。(我心諗我都话冇面紅問題)and then醫生話我皮膚薄同埋有見到有少少微絲血管!如果唔理佢可能會引發玫瑰痤瘡。
聽完醫生講左一大輪野,從來都冇聽過玫瑰痤瘡上網查左一下,覺得都唔太關自己事,所以睇完之後就冇擺係個心入面,跟住我就開開心心 開始用set skin care !大概用左一兩個月 我覺得 得好似冇乜特別效果粒粒有冇退到有好似生多左咁!就無左去搵個醫生。依家諗返,如果我有聽過醫生 講野 去多d認識呢個 病,繼續用佢俾我的skincare,唔亂試新野,可能 之後、可能我的玫瑰座瘡唔會爆發……不過有早知無乞衣




 

第一次玫瑰瘡爆發
2013年7月我做左一個錯誤的決定皮膚開始一發不可收拾!本身我都好鍾意試新野、新skin care、新facial 、新hair product!總之d人話好既,我都會試下。 2013年7月同事介紹左間facial店,本身諗住做下D普通的保濕facial,但係啦去到就介紹左一隻花酸焕膚比我做,比一般的果酸的濃度低唔刺激 !點知我做完之後塊面紅到好似關公咁 !我諗住等幾日睇下啦!點知幾日之後我塊面都仲係好紅,仲開始生好多粒粒 跟住之後仲好痕好乾,塊面好似沙紙。跟住緊係即刻去睇醫生,反反覆覆睇左好多好多醫生,用左好多好多唔同既野 !由開始d醫生话我敏感話我濕疹到終於有人再次話我係玫瑰痤瘡。到我再次google呢個病,前後用左大概一年,我先真正相信我真係好唔好彩有呢個病!我開始搵適合我的方法,短短半年現在我的皮膚大概好返80-90 percent!有時我覺得好返唒tim!因為呢個病好反覆,少少错都會想發下咁!所以我都仲係努力抗戰中, 目標當然系"0 "番發啦!

 

Google 玫瑰


酒渣是一種臉部發生紅腫的皮膚病,好發於額頭、臉頰、下巴及鼻子的下半部位。通常病人於30歲前後就有臉部容易因日曬、熱、興奮而引起發潮紅,進而在臉部中央形成了持續性的紅斑,且漸漸擴散到臉頰、額頭以及下巴。隨著疾病之發展,小的血管和痤瘡樣丘疹及膿庖會開始出現在發紅的區域。此病與痤瘡不同的地方是酒渣沒有黑頭或白頭粉刺 

 

常見症狀:

-容易面紅及感到面部發熱

-長出像暗瘡的粒粒

-鼻的皮膚出現增生,形成痘皮般凹凸不平的印痕,甚至惡化至酒糟鼻

-面部微絲血管浮現

-皮膚異常敏感,喝酒後面部感到似被火灼

-面部油脂分泌增加,毛孔粗大

 

玫瑰痤瘡可按病徵分三個階段,首階段患者通常容易出現面紅及發熱現象,其後微絲血管浮現面部,並長出像暗瘡的粒粒,最嚴重者鼻皮膚更會出現增生情況,即俗稱的「酒渣鼻」,患者亦有可能出現眼睛不適、皮膚敏感、油脂分泌增加及皮膚變厚等病徵

 

 

 

 (pic taken:2014.3)

 

見唔見到我個時係去到"長出像暗瘡的粒粒"階段,成面生JOR LEE D 粒粒! 


如果你都有以上的症狀可能你都好大機會有玫瑰瘡.下一個post 我會 開始講 我點樣同 玫瑰瘡 抗戰!有d咩有效,有d咩唔work!當然啦,啱我既未必啱你,但係相信大家可以從討論區中改良自己一套,一定有一套方法可以好返!大家一齊努力