生蠔吃到飽o(^▽^)o自助餐放題

本身我和老公仔都好鍾意食生蠔

今次終於可以食餐飽啦^^

因為比我搵到間集好食同抵食於一身的店舖 ~

基本放題價錢然後每人加$118就可以任食生蠔到飽！超級推介俾生蠔迷!

生蠔肥大肉厚，而且新鮮嘅程度就好似啱啱喺海水撈出嚟咁，絕對係質量高嘅嗰批！食起嚟嗰蠔仲非常清甜！我同我老公最鍾意食生蠔囉日本豉油和Wasabi，簡單的調味已經可以將味道昇華，而且又能夠食到生蠔本身嘅鮮味！

呢度除咗生蠔出色之外，刺身都非常之出類拔萃。

睇吓我呢隻牡丹蝦刺身幾大隻！肉質肥美，而且食落仲甜到入心㗎！鮮甜的蝦肉在嘴裏蠕動着舌尖，嗰一刻真係覺得好幸福啊！食嘅時候我同老公都不期然對望甜笑左一下！睇得出老公都好鍾意食呀！

由於我哋都鍾意食刺身，呢度都可以食到超多款

>三文魚腩刺身夠肥美，魚油香氣十足

>希靈魚識落零腥味，魚籽還會在嘴內霹靂啪喇地爆開,夠晒過癮

>馬刀貝刺身夠晒爽脆

>榮螺刺身肉質爽實彈牙

>厚切帶子刺身和海膽的組合是第一次吃到，兩種鮮美配搭埋一齊原來真係好好食㗎，鮮甜到好似食緊糖果咁，然後海膽的餘韻會有少少回甘，真係超正！

基本上嚟到呢度食完生蠔同埋刺身都已經捧住個肚~同埋肯定回晒本!

之後都是左啲天婦羅，天婦羅外層炸得夠薄脆，也很好吃！芝士年糕亦有驚喜，薄脆的外衣配軟糯的軟心和如熔岩搬傾瀉而出的芝士，太好吃了吧！

絕對值得再去的瀛豐放題料理專門店！

shadow 影子

歡迎邀請試用．邀稿．出席活動

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

●Follow me●

Email:halloshadowking@yahoo.com.hk

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊