親子酒店：黃金海岸PJ Masks陪住過暑假

放暑假唔出埠，不過一家人去咗黃金海岸酒店住吓！間PJ Masks 睡衣小英雄主題房，係全港首間，Bat Bat 一開房門見到已經好興奮！呢度佈滿Catboy、Owlette 同Gekko 嘅蹤影，連漱口杯都係佢哋嚟㗎。

我哋仲玩咗workshop 整PJ Masks 面具，Bat Bat 好似對Catboy 情有獨鍾，竟然整得好專心。之後玩埋鮮果撻workshop，但呢個小廚師不停偷食，最終個DIY 果撻盒冇嘢放入去，我都係偷拍其他同學仔嘅成品畀大家睇咋。

周末入住嘅話，夜晚仲有PJ Masks晚間派對，可以同三個小英雄見面握手，Bat Bat 明明話鍾意藍色嘅Catboy, 但全程竟然纏住綠色嘅Gekko, 不停走去say hello, 又攬實晒又R手握，熱情到連媽媽都尷尬了 ????????‍♀️ Party 仲有其他小遊戲玩，再睇埋PJ Masks 小劇場，已經夠鐘返房瞓覺覺喇。

成間酒店嘅PJ Masks 主題當然唔只呢啲，仲有treasure hunt, 同埋室外泳池旁邊嘅4個PJ Masks 吹氣水上活動，包括水上滑梯、水上搖搖板、拋波波等，不過要3歲以上先玩得，Bat Bat 就去泳池同鯊魚島playroom玩其他嘢啦。

PJ Masks主題房package已包自助早餐及送PJ Masks連帽毛巾斗篷，好靚好可愛。7月15日或之前預訂，仲可以再額外獲贈PJ Masks禮品一份㖭！

PJ Masks夏日住宿計劃

睇吓以下Package 優惠，係咪好豐富呢？

＊一晚住宿及自助早餐 (2 位成人及 1 位小童)
＊睡衣小英雄連帽斗篷一件
＊英雄面具製作坊一次
＊PJ Masks戶外水上充氣遊戲，包括障礙賽、拋拋樂、水上搖搖板及滑水梯
＊睡衣小英雄晚間派對 (逢星期六)
＊鯊魚冒險島遊戲室一節

酒店仲會免費提供往返尖沙咀、荃灣或青衣穿梭巴士服務，不過名額有限，先到先得。PJ Masks主題做到9月1日咋，聽聞暑假都幾full㗎，要早D預訂喇。

Hong Kong Gold Coast Hotel 香港黃金海岸酒店
詳情：http://bit.ly/pjmasks-summer-tc
預訂及查詢：2452 8833

觀看影片：https://youtu.be/Xd5FWXroFl8