[食譜] 山楂薏米蘋果雪梨茶

唔知你地家中會唔會成日有食剩放左一段時間皺晒皮, 又未壞到要掉既水果? 最常見係橙, 蘋果和雪梨, 買一份3,4個, 通常最後個1,2隻總會被遺忘, 要唔浪費, 拎黎煲水就最好.

今次整依個山楂薏米蘋果雪梨茶, 又消暑又開胃消滯, 又可以用左D舊水果, 仲有去水腫美白效果, 味道仲好好好甜添, 好好味架~

​材料好簡單, 只要蘋果, 雪梨各一個, 山楂 薏米, 糖冬瓜適量, 加5碗水煲半個鐘, 加冰糖調味就得, 雪凍飲更好味架.
​