瑞士策馬特不能錯過的黑面羊美食料理～Restaurant Julen

很久沒有寫到歐洲餐廳啦！

好多人都覺得瑞士冇嘢食，其實如果預算多少少，瑞士都有好多出色料理呢！

除咗之前介紹過嗰幾間，今次喺瑞士策馬特（Zermatt）亦食咗非常有特色嘅黑面羊料理！

Restaurant Julen係一間專食黑面羊嘅米芝蓮推薦餐廳

餐廳有分上層fine dining setting，以及下層bistro setting，我帶著爸媽就揀咗坐上面，座位比較寬倘，不過店員話其實兩層嘅餐牌都係一樣。

我爸爸唔鍾意食太嘅羊羶味。呢度就啱啦，黑面羊肉好嫩滑，但唔會有羊肉羶味，而且啖啖肉。羊膝(CHF39)好大隻，入味之餘肉質仲炆得好腍。

烤羊架(CHF56)都好juicy，有水準！

不過我本身就好鍾意食羊羶味，所以我點嗰個羊肉配羊奶芝士卷(CHF45)就真係無得輸，每一啖都充滿羊肉羶香！

羊舌(CHF31)都非常推薦，牛舌就食得多，原來羊舌都好好食！羊舌薄薄一片，口感爽脆又唔韌，配上紅酒汁，更加帶出肉味。

甜品心太軟就一般般，中規中矩。

PS. 餐廳非常受歡迎，如果walk in 建議6pm去到會比較少人！