試食報告: Healthy Times有機食品 (免費送6盒)

我自己其實都係一直prefer選擇有機的食品比孖寶的！今次很榮幸可以收到Healthy Times送給孖寶這一大堆的產品，令我有機會更進一步去認識Healthy Times這個歷史悠久的優質品牌，咁都係有好野孖媽我當然又想同大家分享啦！

今次會送出6盒Healthy Time有機燕麥米糊，適合4-36個的BB！名額共6位。大家快D去我地荔枝與孖寶的Facebook page度了解下遊戲詳情啦！

Healthy Times係獲得USDA有機認証的美國有機嬰幼兒食品及護理用品品牌，而且更獲得外國兒科醫生及醫院推薦、呵護敏感BB的愛心品牌，原來係由修讀營養學的美國媽咪 – Rondi於 1980 年創立, 為全球媽媽提供健康、美味和高品質的有機嬰幼兒食品及護理用品。 事原係因為當Rondi成為媽媽後發現當時市面上的嬰幼兒食品絕大部分都添加白砂糖、鹽、防腐劑或人工色素的。於是，Rondi 開始利用天然食材創作美味又健康的營養食品給她心愛的女兒並同所有愛錫自己 BB 的媽媽分享。

講返孖寶今次的試食呀，我比左兩盒有機牙仔餅 Ramsey去揀! 

Ramsey自己一手拎左呢盒Vanilla口味，於是我就開左呢盒比佢地食啦。

牙仔餅而對於兩個月前已經開始出牙仔的Ramsey黎講，簡直係恩物呀! 而Caydan呢, 最近呢兩星期都開始出左兩隻牙仔，所以亦都係佢既favor ! 睇下佢地食地幾津津有味。

以家同孖寶外出時我都會帶定D餅仔比他們, 有時可以起到安撫的作用(係有時)…..哈哈

而且比佢地自己去拎亦都可以訓練BB手部的小肌肉，慢慢幫佢地學用手指來拎野。

Healthy Times 的有機牙仔餅含BB成長所需的其中主要營養素，包括鈣和鐵，佢硬硬的口感適合5-9個月或開始出牙仔的BB鍛鍊口部肌肉。有些新手媽媽可能會問牙仔餅咁硬,，BB都未出齊牙點食呀??!! 其實牙仔餅唔係只用來比BB食咁簡單，因為5-9個月的BB正值口腔期，咩都鍾意咬一餐 ，牙仔餅可以比BB自已拎住，放係口中到餅乾慢慢溶化，係令BB用好多時間去食的一款零食，但又同時可以滿足到BB口腔期的需要!  Rondi 的兒科醫生當時亦很熱心推薦呢款牙仔餅比“牙痕痕”的 BB食。

因為一次過開哂所有野食而又食唔哂真係會好浪費，所以我地今次另外比孖寶試左既就係呢款有機嬰幼兒米糊，係適合4-36個月的BB食的。

Healthy Times有機嬰幼兒米糊是支持 BB 健康成長和發展的輔食佳品。美國邁阿密兒科醫院建議胃酸倒流的 BB 進食。大豆是許多 BB 的過敏源，Healthy Times 米糊選用有機、非基因改造的全穀穀物材料，佢無牛奶和大豆成份，更加無添加糖和鹽，含多種維他命同礦物質，絕對可以呵護敏感 BB的腸胃 。

我地今次試食左的係有機燕麥米糊，燕麥的主要營養素有糖類、膳食纖維、維他命B及E、鈣、鎂、鉀、磷、鐵、鋅等。燕麥所含有的鈣質，是骨骼中最重要的成分，對BB的牙齒及骨骼生長都有幫助。而燕麥富含的膳食纖維更有促進腸胃蠕動的功效。 再下一個階段我就會開有機蜜桃香蕉燕麥米比孖寶試下。 

下面有開米糊的小貼士:

初嘗米糊的BB

可將1湯匙包裝中的乾米糊與4-5湯匙的母乳、BB慣用的嬰兒配方奶粉 (先沖好) 或淨水攪拌。建議慢慢添加液體以更好控制份量及達至混和。對於第一次食米糊的BB來說，較稀的米糊會更易入口。

已嘗過米糊的BB

倒入適量米糊於碗中，添加飲料 (母乳、已沖的嬰兒配方奶粉或淨水) 攪拌至你BB喜歡的口感和份量。

幼兒 (滿1歲) 

可拌上全脂牛奶、淨水或果汁。如愛較濃厚的口感，可1:1混和麥片和所選飲料。

不過都係要再長氣d提下各位媽咪， 盡量比BB食室溫或溫熱了的米糊。仲有 餵BB食前記得test下溫度是唔係適合立即食用。仲有就係食剩的米糊唔好留呀， 要即刻丟棄。

至於另外的2款有機果泥我就唔開住啦，打算遲d帶孖寶去玩時比佢地食， 因為貪方便….呵呵!

不過我都有睇定d 資料先敢比孖寶食, 原來Healthy Times有機果泥唔係用水作為第一材料，亦不會用麵粉、木薯粉、洋蔥粉或其他粉狀作為填充物，是極佳的健康食品。