究竟LightMAC好唔好？！醫學美容初體驗分享

今次想同大家講下我第一次做醫學美容嘅體驗，究竟今次去嘅醫學美容中心LightMAC好唔好呢？點解我會去咗做醫學美容呢？ 一次過同你地分享！

其實生咗兩個小朋友後，時間對於我嚟講真係分分秒秒都好重要，每日陪佢地食、玩、瞓都用咗半日時間，仲想做自己嘢，享受下「me time」？當然可以，晚上再瞓少啲囉！唔夠瞓，冇時間打扮，真係睇個樣、睇塊面嘅氣色都會睇得出㗎！

所以上個月母親節老公就送咗一份好好嘅禮物比我，佢話放我一日假好唔好，仲叫我去 LightMAC 到做個高級個人化醫學美容體驗吓，開心吓！

所謂見微知著，第一印象好重要！LightMAC服務好唔好一去到就感受到。入門口，職員就已經好貼心咁拎對拖鞋比我更換，So sweet！

而且姐姐仲即刻送上一杯令人放鬆嘅花茶比我，係等候嘅時間享用。

環境好靚好舒服，仲有雜誌提供俾我喺等候嘅時候睇，俾我享受做媽媽以嚟難得嘅 personal time。

人人都想靚，但個個嘅皮膚問題唔同，需要改善同補足嘅地方都唔同，所以醫學美容療程都要tailor made，先可以滿足客人嘅真實需要。作為專業醫學美容中心LightMAC亦都好明白，所以 LightMAC 特別設計嘅「Light Me Up Pro 全效面部療程」，由多角度為客人分析，從根源解決肌膚問題。

另外，醫學美容療程效果會受皮膚狀態好唔好影響，LightMAC顧問一開始會幫我做個詳細分析，除咗睇吓我有咩皮膚問題想改善，亦都會因應我嘅皮膚狀態睇吓適唔適合做相關嘅療程，再幫我揀所需嘅醫學美容療程組合。

最後，顧問幫我揀咗「氧氣噴射換膚療程」加「完美脈衝全方位療程」呢個組合療程，針對性幫我一次過改善皮膚問題。

之後就安排我去房間，準備做「完美脈衝全方位療程」。

房入面有個細 locker，我就可以放低我嘅隨行物品啦！今次老公特許我放假一天，唔洗帶住兩個細，所以唔洗揹個大背囊出街。

首先會洗面，之後LightMAC專業美容師會用相機影低你最真嘅一面，一眼睇得出皮膚好唔好！其實LightMAC專業美容師會喺每次療程前，都會幫客人影相做記錄，紀錄住每次皮膚嘅狀況，方便之後做比較，跟進每次療程效果。

因為我第一次做醫學美容療程，所以LightMAC顧問特別建議我做「完美脈衝全方位療程」前，先進行「氧氣噴射換膚療程」，目的係幫我做一個深層清潔，呢個療程仲可以去除暗瘡印、幫助骨膠原再生同埋緊緻皮膚。進行「氧氣噴射換膚療程」嘅過程真係好舒服，冰冰涼涼咁就可以去除老化角質死皮！

呢張相係做完右邊面嘅效果圖。LightMAC治療師幫我做完右邊面後，先叫我用雙手摸吓右邊面，再摸吓左邊面，比較吓兩邊面分別，我都感覺到右邊面係滑咗好多。

呢張係做「氧氣噴射換膚療程」之前，右邊面嘅近鏡。

做完「氧氣噴射換膚療程」清走晒啲污糟嘢之後，近鏡望都明顯見到平滑咗好多，佢地仲話療程後可以加強對護膚品嘅吸收添呀！

完成咗深層清潔，就正式進行「完美脈衝全方位療程」啦！由於眼部係一個較敏感嘅位置，當進行彩光時會產生閃光，為咗避免閃光對雙眼造成任何不適，所以LightMAC嘅治療師會用膠布幫我貼住對眼，然後先再搽一層 gel 係面上，舒緩皮膚開始療程。

今次做嘅「完美脈衝全方位療程」啱哂我呢啲第一次做醫學美容療程嘅人！因為本身皮膚底子唔好，狀況亦唔穩定，而呢個全方位脈衝光療程，可以一次過做到收細毛孔、均勻膚色、嫩膚去皺、改善微血管擴張、緊緻肌膚同去除色斑、暗瘡印等問題，幫我打返好個底子；之後再按需要配合其他醫學美容療程作重點改善，還原靚靚素肌無難道！

做完脈衝光療程，當然要敷返個 mask鎮靜一吓肌膚啦！敷面膜時間可以俾我舒舒服服瞓返15分鐘！

做完個半鐘療程，個頭有啲亂，所以要去梳妝台度整理好個頭，唔好破壞形象，LightMAC梳妝台好貼心咁準備咗梳、風筒、飲品、hair gel、化妝棉、棉花棒等等應有盡有，做完facial要即刻dating都唔驚。不過，我就簡簡單單要飲品、梳、風筒就夠啦！喺塊鏡度見到自己皮膚大有改善，真係充滿自信！

LightMAC治療師仲話我知唔好做醫學美容療程做得太密，大約一個月做一次醫學美容療程就可以。佢仲提我，記住每日都要用防曬，咁先至確保可以保護皮膚，唔會比問題惡化落去，療程效果亦可以Keep得更耐。

今次呢個專屬醫學美容療程嘅體驗，真係好舒服，做完後皮膚有光澤咗，冇咁暗啞，唔會再乾噌噌，感覺好滋潤，今次真係值回票價。而且真心覺得後生可以懶，但年紀愈大，想懶都得，除非真係天生麗質，但天生麗質，都要好好保養，所以我都要努力啦！

+++++++++++++++++++++++++

LightMAC最新升級嘅「Light Me Up Pro 全效面部療程」，更新加入為人熟悉嘅皮秒激光療程，療程組合由50多個增至超過60多個，可以更快、更準咁解決多種肌膚問題，令你輕易重拾自信，擁有真正嘅 Endless Beauty！

如果你哋都想同我一齊感受「Light Me Up Pro全效面部療程」嘅威力，可以喺以下連結登記免費體驗：

https://www.lightmac.com/promotion/chi/content/egglfbeg01201907

Website: www.lightmac.com

Facebook: https://www.facebook.com/LightMAC.Medical.Skincare.Centre/

#lightmac #lightmeuppro #yourendlessbeauty #lightsupyourdestiny #度身定制 #專屬亮肌 #年輕無瑕肌