紅楓葉季節又來了，行山遠足靚景推介

賞楓葉，唔一定去日本，近近地大棠就有得睇喇！

每年12月到1月都係賞楓既季節，月初朋友話大棠楓葉已帶微紅，今日一去已見楓葉更紅更靚，遲多幾日再去應該再靚啲!

今日除左賞紅楓葉，仲為左睇千島湖，途中更巧遇一片芒草，學蝦子話齋，呢個郊野公園風景真係好靚啊!

是日行程由大棠出發至掃管芴，全長約10km，路程3.5小時，呢度要比10個讚蝦子細佬，全程自己行，唔洗要人抱，好感動!!

前段大棠賞楓路程適合BB車，後段往千島湖要上上落落，梯級較高，適合3歲以上小朋友，若然要帶BB車，又係行山初哥，可選擇大棠賞楓段落來回。想睇更多靚景，又想同小朋友挑戰，不妨考慮一下我地既行程!

交通
港鐵巴士：K66 朗屏 》大棠黃泥墩村
小巴：元朗千色廣場 - 大棠（大棠山道路口巴士站下車）
注意: 由大棠山道路口巴士站往賞楓路段要30分鐘，建議有Budget既搭的士上去大棠燒烤區即起點，慳返啲腳骨力係之後既路段。由12月9日起大棠會實施交通管制哦! 早啲去冇咁多人!

更多親子分享，請Like & Follow 鯨魚家姐‧蝦子細佬Facebook 同IG啦!