三代同堂❤️香港親子遊❤️ 天際100
- by HappyKCB
- July 13, 2020
香港人最鍾意周圍飛，四處玩
但而家因為疫情，被迫留港😔
連本身plan左白白可以同婆婆（姬絲媽咪）一齊去嘅家庭旅行
都被迫告吹🥺
不過無左Vacation
仲有個Staycation😃
今次就喺香港🇭🇰找尋下啲旅遊景點好去處
等白白同婆婆可以一齊去玩下，影下相📸
講緊嘅就係位於九龍站上蓋嘅天際100喇❤
夏天室外熱辣辣，呢度可以嘆住冷氣，居高臨下咁欣賞香港美麗嘅景色，空間又大，仲可以俾白白練習下行路添🤣
白白見到其他小朋友都好興奮咁想衝過去一齊玩呀！🥰
除左白白開心🥳
婆婆今日可以獨霸乖孫，都十分開心呢🥰
難得婆婆同白白一齊本地遊，又點會好似鴨仔團咁趕住走呢
姬絲就為婆婆喺呢度嘅餐廳 SkyCafe 100 安排左晚餐🤤
順便可以欣賞埋咁靚嘅日落景色😍
今日就為婆婆喺呢度安排晚餐
佢開頭仲細細聲問我喺呢啲景點餐廳食飯，會唔會好貴🤭
其實性價比好高，晚餐連一人門票都只係300幾蚊
當中包括左一個沙律/餐湯
我地今日嘅餐湯係雜菜湯
我就點左沙律🥗 當中有生熟吞拿魚
一個沙律，兩份感覺😍
一個主菜
我就點左 「慢煮牛面頰 配 香蒜薯蓉、青豆，配紅酒汁」
牛面頰份量十足
利用慢煮方法就可令肉汁保留，每一口都十分軟稔，很Juicy 😍
姬絲媽咪就點左呢款「大蝦、蘑菇扭紋粉 配 蕃茄蜆彀汁」
每隻蝦大大隻，個汁仲有點點creamy,但未至於去到白汁咁膩，好好味！
而個扭紋粉，對於婆婆黎講好新奇，佢即刻變左小朋友咁，食得好開心🥳
一個甜品
第一道甜品係「窩夫配北海道牛奶雪糕」
呢個配搭無得輸🤤
牛奶雪糕真係超香牛奶味
另一道甜品就點左Brownie
婆婆讚不絕口🤭
一杯餐飲
不得不提呢度夜晚會亮燈
一串串紫色吊燈著左燈之後
成個環境係超級浪漫有氣氛架！🥰
同我前世情人黎，真係一流呀😂
