🎬有片❤️ Delight Max Color Con 系列，打造迷人電眼

對於無近視或遠視嘅我黎講，平時姬絲真係好少機會配戴隱形眼鏡，如果要戴，通常都係因為要出席一啲特別場合，或者旅行時需要拍美照時才會配戴。而平時唔戴嘅主要原因都係因為以往唔好嘅經歷而被嚇怕。

以前年少無知，就會貪平，走去年輕人商場，就咁買一盒「大眼仔」黎戴，完全不經專業嘅眼鏡店同埋視光師驗眼，最後戴到對眼又乾又紅，又佈滿曬紅根。本身想影靚相，最後影到張張都爆曬紅根。

後來先知原來好嘅隱形眼鏡有分弧度，水份含量等，所以建議大家想靚靚都要照顧好自己嘅靈魂之窗喔! 記得要去返眼鏡鋪搵註册嘅視光師配鏡片喔! (原諒準備當媽的我，比較長氣)

由於姬絲無近視，戴呢類型嘅有色鏡片都係純粹貪靚，想對眼BLING BLING 啲，精神啲，所以我一般都係選擇用日拋鏡片 (ONE DAY CON)。

而且日拋鏡片嘅好處係我每次都可以因應住當日嘅場合，心情，服裝去選擇不同風格的鏡片。

今次姬絲就試戴左Delight Max 系列嘅幾款color con，個人覺得較為特別嘅系列，出席左三個不同嘅場合，俾各位參考一下丫。

場合一：周年酒會

配戴系列：Delight Max Beauty – Sugar Brown

用後感：

由於鏡片嘅外圍係黑色，內圈帶點偏黃的淺咖啡色，所以戴上後，可以令眼珠睇落更大更有神，而淺啡色令眼珠帶點輕微，自然的混血效果，戴上後，仍感覺自然。

畢竟出席酒會，雖然不是晚宴這類型隆重場合，但亦不能太過輕浮嘛!! 哈哈

場合二：拍攝電視節目

配戴系列：Delight Max 3 – Chestnut Brown

用後感：

今次因為要出鏡拍攝電視節目，而且有另一位名模一齊做嘉賓，眼神精靈真的十分重要。但畢竟拍攝節目，所以我所選擇配戴嘅鏡片係偏向自然色系，但同時有將眼珠放大嘅效果，達到精靈有神嘅目的。

Max 3系列嘅鏡片以亮麗色彩作主調，鏡片外圈係黑色，同樣有把眼睛放大嘅效果，內圈就偏向朱古力色嘅栗子啡，戴上眼之後，相對其他顏色嘅鏡片，栗子啡的感覺就會較為沉實，但不失精神的感覺。

場合三：拍攝孕婦照

配戴系列：Delight Max 3 – Honey Brown

用後感：

今次配戴嘅目的，係要去影大肚相，會有化妝師負責化妝及髮型，而自己又希望照片效果偏向日系甜美系，所以就選擇了這一款。

這款鏡片嘅色系跟Delight Max Beauty – Sugar Brown 有點相似，內圈的顏色都係偏淺色，所以有點混血風。

場合四：孕婦產品廣告Casting

配戴系列：Delight Max 2 – Grey

由於今次係廣告Casting，所以都希望眼睛有神之餘，仲有啲特別，好等上鏡時會較為吸引。（耍心機✌🏻）

因此揀左Delight Max 2系列嘅 Grey，由於亞洲人不會有灰色眼睛，哈哈，所以選呢款就顯得感覺比較年輕有活力。

綜合左今次嘅試戴經驗之後，我自己個人比較喜歡Delight Max 3 – Chestnut Brown。

可能因為平時都唔係經常戴大眼仔con，所以都係以精神自然為主。而呢個系列就正正符合我嘅要求喇。

其實Delight Max Color 系列有咁多款選擇，仲有咁多顏色俾你揀，咁就可以隨住心情同造型，轉換鏡片，每天都可以輕鬆擁有迷人眼神啦~

想更清楚睇真不同系列戴上眼睛嘅效果，可以CLICK 入下面條片喔~

記住按埋LIKE 同訂閱我嘅Channel喔~

🎬 試戴效果，可以睇返呢條片架🎬

Youtube: One-Day Delight Max Color Con

☝🏻☝🏻☝🏻

***************************************

歡迎各類型合作：

E-MAIL: kulihousekcb@gmail.com