清熱解毒 ♥ 雞骨草涼茶

這日在街市見到攤檔的婆婆，即刻去睇吓有咩時令野賣先

婆婆話野生的雞骨草和金錢草不是成日有的

還介紹我們煲清肝熱的雞骨草金錢草涼茶

金錢草的功效 ... 解毒、消腫、清熱、利尿

雞骨草的功效 ... 有清肝明目、疏肝利濕的功效

雞骨草好適合生活緊張忙碌、經常通宵工作[的『傷肝』人士，有清肝火和明目生津作用

是通宵人士的恩物

做法好簡單~~

先用水浸洗雞骨草和金錢草 (約 20 分鐘)

將雞骨草和金錢草同 2 公升水同煲，待滾後轉慢火再煲 1 小時

拿走雞骨草和金錢草，放入片糖就飲得喇 !!!

平日去燒烤都會買現成的支裝雞骨草涼茶清熱氣

第一次自己煲，煲的時候有陣甘香的草藥味

煲好的涼茶也好甘甜，兩隻小魔怪都話好飲過現成支裝的 ... 仲問我幾時再煲過 ~~

** 以上分享是以我的口味、喜好和情況作出分享和感受，一試 / 合用與否請自行決定