Karen & Simon’s big day at L’Hotel & Club One K11

by david chow
March 8, 2018

Karen & Simon's big day at L'Hotel & Club One K11

幾年前Angel & Michael既大婚認識到當日兄弟，即係今日既新郎哥Simon，理所當然，角色對掉了，Michael當然要做番Simon既兄弟，一樣既係用埋同一個攝影團隊，即係我啦！這個看似是簡單任務，其實一點都不簡單，擺lunch buffet流程都比較趕，要中午前完成晒所有程序，真係同時間競賽。還記得當天好凍，天都未光已在荃灣等新郎哥一同去觀塘女家的酒店，簡單既任務都想影到不一樣的作品，利用盡酒店的每一個角落去構圖，因個天未光，打燈打到有幾多就開幾多出來用，才達到我認為理想的光源，始終都是big day，太mood玩暗黑既feel都係唔啱我的新人，連出門都用盡了酒店門口的空間，係精神既！

午宴席設於新場K11既Club One，我都是第一次來，叫我最深刻的卻是戶外的證婚位置，能在鬧市中出現一小片平台式花園證婚，讓新人多個outdoor既選擇係幾唔錯的，作為攝影師要顧及光與影，因座向關係，證婚過程在中午的那道陽光，每分鐘都在變，那道強烈由大廈遮擋做成的陰影，直射在backdrop的位置，當時只有不停的修正，不能讓身穿白色婚紗的新娘曝光過度，和另穿深色禮服的新郎因站在曬不到的陰影位而曝光不足在同一張相出現，作品自己都是感到滿意的，希望新人也喜歡，近黃昏了，我們還到了嶺南之峰外拍，剛遇上不是什麼民族的什麼慶典，全個公園都是佈滿民族服裝的人，很難找個位置，又要趕上最後那道夕陽之光，辛苦曬一班手足，祝Karen & Simon新婚快樂！快D再叫我影post wedding！