【遠足】輕鬆行．石梨貝水塘│蝴蝶結姐姐

疫情稍稍緩和，相信不少人趁放假都想出外郊遊、行山，呼吸一下大自然新鮮的空氣。最近我就剛行完位於新界區的石梨貝水塘，行程大概一個小時，路程輕鬆，有不少家長都攜帶小朋友一齊行，若不想去太遠又想行吓山的話，可不妨試試這條山路。

於石梨貝水塘 81號巴士站落車，順著上山路走便是。

遠處已見到馬騮仔的蹤跡，因為近金山郊野公園，會有不少馬騮出沒，但避免打擾佢地啊！（有d馬騮仔都幾惡㗎）

沿山路直上，綠草松蔭，不會太曬，非常舒服，行約半小時就會見到石梨貝水塘啦，景色真的好靚，附近亦有涼亭可作休息。

不過見水塘的水不是很滿，相信同香港的降雨量有關，全球氣候暖化的關係，各地氣候變得十分極端，令我們明白不單止要珍惜水資源，從自身做起，要減少開冷氣，減少碳排放，都能為地球暖化出一分力。

溫馨提提大家，郊遊遠足前，帶備所需乾糧和飲品，穿着淺色衣物，帶備蚊怕劑，記得做足防曬，避免受紫外線傷害皮膚啊！

#自己垃圾自己帶走喎#勿隨地扔棄口罩#保護大自然你我都有份