嚐冰

好耐冇去過葵廣，葵廣食店原來又有一番新景象

⭐🌧見到甜品，一下子就被吸引🤩

甜品🍧✨嚐冰✨

主打雪花冰，打咭呃like 一定掂，不過我就想滋潤一下，食碗糖水。

✅多芒丸子凍

一直偏愛芒果🥭系甜品，或許就是曾經迷上芒椰奶西的後遺症。芒果，小丸子，椰子凍，西米，夾埋真係冇得輸，汁底滿滿椰香味，配上小丸子煙煙韌韌，西米圓潤滑口，大大粒香甜芒果🥭肉，椰子凍Q彈，啖啖食出好滋味。

✅三芋仙草凍

入面超多料，椰汁🥥底加上▶芋頭粒，芋圓，小芋圓，仙草凍，紅豆，西米，材料豐富。芋頭好粉，三色芋圓Q彈好咬，小芋圓煙靭，紅豆軟綿，西米圓滑，仙草滑溜溜，一碗就有多重口感，好滿足。