【 珠海長隆親子遊Day 2。長隆宇宙飛船 】

琴日係長隆海洋王國玩完，今朝係酒店食完個豐富嘅自助早餐就即刻入去「長隆宇宙飛船」玩喇。

長隆宇宙飛船係全球最大室內樂園，共有15個主題區，大到一日一定玩唔哂呀！我哋一去到就先上二樓，玩咗熱門遊戲「百慕大歷險」和「深海潛艇」先。百慕大歷險喺5D 動感平台影院，我哋可以同船長一齊穿梭大海，船身會跟住搖，仲會有海風、海水飛濺，讓我地可以在360°沈浸式體驗，視覺、聽覺、觸覺感受爆棚的刺激感。

深海潛艇真係會潛入水，帶我哋去水底欣賞魚魚和海底遺跡，幾特別。之後一定要去「探索大學堂」體驗意義非凡的科普課堂，去觀賞虎鯨一家，勁壯觀，好值得睇！

「宇宙樂園」有唔同嘅遊樂設施，兩兄弟玩得最耐嘅一區，我哋玩咗奇樂冒險、歡樂碰碰車、海洋單軌車、勇者跳船、童趣蹦跳搭和繽紛海洋等，機動遊戲好啱小朋友玩。仲要等候人數唔多，平均等10分鐘左右就可以玩到一個遊戲，好開心。

食完Lunch後，就去番一樓各個主題區，宇宙世界、亞細亞星球、雨林星球、峽谷星球、星際站台、珊瑚秘境、驚鯊黑洞、鯨奇宇宙等。記得要預留時間係一樓參觀，有好多唔同品種的海洋生物，每個展區各有特色，一邊觀賞一邊學習。

4點半我哋就出發去睇「横琴長隆秀」，距離宇宙飛船15分鐘，要預時間搭接駁巴士過去，係一個大型馬戲，現場睇好震撼！（稍後會詳盡介紹）

總結呢2日真係玩得好盡興，兩個樂園實在太大，真係要玩夠3日2夜先會玩得晒！我哋好彩有帶BB車，可以放背囊，弟弟又可以隨時休息。雖然玩唔哂有啲可惜，但咁先有籍口可以再嚟玩呀！

係咪好有興趣呢？呢個復活節大家都一齊去玩啦！

https://hk.trip.com/....../zhuhai-chimelong....../.....

—————————————

歡迎連絡安妮媽媽：

Facebook專頁： 安妮媽媽親子日記

IG: @Annie_mama_diary | 安妮媽媽親子日記

E-mail : AnnieMamaDiary@gmail.com