【為食仔海鮮火鍋專門店】**** 惹味卜卜蜆雞煲

之前一直想嘗試一下卜卜蜆, 因為自己本身都鍾意食海鮮。所以就上網book枱, 而家上網book就有$48 卜卜蜆雞煲, 所以我地就決定一試。

除了招牌卜卜蜆, 這裡也有其他湯底, 如胡椒雞湯, 冬蔭公味等。另外就可以叫配料食, 就好像打邊爐一樣。

每張枱也有醬油可以給你隨意調配, 這個是要收醬油費的喔。

上面就是$48 卜卜蜆雞煲了, 叫了小辣, 雞件數量都算適中, 蜆的數量就比較少。所以如果本身喜歡吃蜆的朋友就建議叫原價的卜卜蜆會較好。 味道方面是較濃和惹味, 所以是不錯的。

因為太少蜆的關係, 我們都另外叫了一碟。 蜆都算肥美的, 但有點蜆沒開, 吃了大概2-3隻有沙, 其餘的還可以。

我們還叫了兩隻蟶子皇, $38一隻, 價錢都有一點貴喔, 但勝在大隻, 而且食落幾爽口。

最後我們還叫了芫荽豬肉餃, 花枝片和鯪魚麵。豬肉餃芫荽味不重, 味道一般! 花枝片都挺有咬口, 而鯪魚麵就有很香魚味, 如果喜歡鯪魚應該覺得不錯,但份量就較少。

總括而言, 我覺得味道還好, 但價錢就不算太便宜, 但如果大家想嘗試一下卜卜蜆也可以試一下的。

為食仔海鮮火鍋專門店

地址: 旺角白布街4號地舖