生髮血淚史｜係香港植髮真人分享｜ARTAS與FUE分別

唔知係咪每個有脫髮問題嘅人，都同我經歷一樣？就係不停試好多生髮療程，最終都係要走上植髮之路，而加加埋埋洗咗嘅錢，其實夠植髮🫠。我不是鼓吹植髮，以下文章只供參考。

講番我自身情況，天生髮質比較軟同疏，爸爸有脫髮問題（唔係光頭） ，類似m額，阿媽同我似，髮質少、量唔多，佢會電髮令到睇落多啲頭髮。基因及遺傳性問題，導致脫髮是很常見，而當要正視呢個問題時又好多人會由最入門試起，我自己就係咁，由中醫生髮、西醫生髮針、rga、激光生髮、紅外線生髮、洗頭水試過幾十款、係iherb 買一堆生髮supplement 、甚至我仲試埋poo-free

（呢樣唔洗用錢，但係我試完唔buy呢套），其實仲有好多，未能盡錄。

在生髮的路途上，最慘唔係洗錢，而係每試一樣野都要時間，因為頭髮是有生髮週期，當等待有冇效時，令人感到好困擾，患得患失。最慘係唔試過又唔知🙃（我唔work 可能有啲人又work），而植髮其實絕大部分人都work，只係基於金錢及心理關口問題，令到好多人擺咗佢係最後一步。

以上我試過嘅方法，並非完全沒有用，有啲可當輔助用途，植髮後我都有keep住。當然有諮詢醫生意見下使用。

如果要我寫哂試過嘅生髮療程和體驗，相信幾萬字都唔夠，我先分享植髮呢部分，因為對我來說，植髮係最值得做，一個最直接解決我脫髮問題的方法。

植髮分幾種，FUT、FUE及ARTAS,而

ARTAS有再分第幾代，我最後揀咗做ARTAS，而多數有做ARTAS植髮嘅診所都有得揀FUE植髮，分別在於你想俾幾錢做。

舊式FUT個人覺得依家冇人會揀，不比較了。

簡單來講，FUE植髮用手動或機械式提出，醫生手動揀和取毛囊，ARTAS植髮用AI技術機器人根據預設的參數和模式，精確地選擇和提取健康的毛囊。而最後都係由醫生將提取嘅毛囊移植到疏區。

點解我俾貴啲揀ARTAS，有一個好大嘅分別：FUE人手取毛囊之後要分髮，成個過程都係手作仔，時間長、而時間長正正會影響術存活率，其實取出嚟嘅毛囊係離開頭皮之後就應該分秒必爭植入，打比喻拔咗條草，將條草擺埋一邊，冇水冇養分一段時間，再插返入泥土，當中有啲都可能捱唔住瓜咗。

用ARTAS植髮縮短咗整個流程，因為揀出黎嘅係由AI分析提取。手術講求高準確性和一致性。所以兩者比較下ARTAS一定係比較優勝。ARTAS技術主要是由機械做mark位、抽取、植入呢三項。

價錢參考：

我總共植了1700條 ，

總費用：$85000

總費用是已包括術前諮詢、植髮手術、及植髮後覆診等全部費用

植髮公司資料：Professor Hair 醫髮

揀呢間原因主要係佢地用緊第十代，其他公司有ARTAS植髮用緊舊1-2代，價錢又沒有分別，所以選擇咗佢地。自己一直比較在意毛囊存活率呢點，唔想白白做完手術啲頭髮生得唔好。