［HAIR］佳節在家捲髮 DIY (Panasonic)

［HAIR］佳節在家捲髮 DIY

今次呢篇文我打得好困難，因為今次係我轉左MAC BOOK後第一次打BLOG，結果因為唔熟SHORT CUT，打字去唔到下一頁，同位置有D變左，我就打到想死。

原本我係想係聖誕前出呢篇文架，但太多野做下，我只可以係NEW YEAR之前出。

佳節前席，大家都總會扮靚D，但又唔可能每一次都出街SET 頭，想信唔少女仔都會同我一樣，買左枝捲髮棒返屋企，諗住自己出手整個靚髮!

唔知有幾多女仔真係搞得掂，有好好運用枝電髮棒呢？

我有次去朋友屋企，見到佢床邊就有枝封左塵嘅電髮棒，一問之下，原來佢根本就唔識運用，所以就將佢放埋一邊，放棄左，所以今次我就係度分享一下，點樣用15分鐘，去捲個頭！

× 捲髮第一步 ×

首先大家要將頭髮上、下分二，上個 PART要夾起佢，然後將下個 PART 再一分為二。

最後再將下PART的左邊（即1/4) 再一分為二，變成1/8 的一小扎。

× 捲髮第二步 ×

大家要留意，如果你想要有好曲好公主嘅頭髮，你就要將頭髮分為12份，如果想自然D，分8份就已經夠喇，因為愈分得細，出黎效果就愈曲，愈整齊 (愈似公主)。

但由於我年紀已經唔細，我接受唔到自己變公主... ... 所以我喜歡自然D 嘅捲曲。

× 捲髮第三步 ×

其實之後的步驟，就只係每一扎頭髮咁，捲就已經可以。

我會先將頭髮繞一圈，然後將電髮棒拉下，到最尾位置，然後整皮電髮棒向上轉，如果想效果自然D，大概10-15秒就已經夠，要視乎唔同電髮棒。

如果唔打算扎起，只係想打鬆把頭髮，大家捲到耳仔下位置就已經夠喇！唔好太高呀！

× 捲髮第四步 ×
.

處理完下半PART，到頭髮上半 PART！

上半PART 其實都係用同樣方法，但係捲嘅方向，可以改為向內，因為面個層係唔可以向外捲，否則就好會好奇怪~

最重要，就係面頰旁邊，左右個2扎，要捲得靚仔D，而且多數女仔都會喜歡向前捲，感覺會斯文D，如果向後捲，感覺就會優雅D，復古D。

× 捲髮第五步 ×
.

捲好哂個頭，最好可以望下，有冇邊D頭髮因為太短已頭先捲唔

到，有的話就輕輕捲翻兩下，由於我要的是自然曲，所以捲後面D頭髮唔洗太整齊，反而到最後可以加以整理，刻意有D反方向捲！

× 捲髮第六步 ×
.

到整好哂，就要用一D CURL CREAM 整一整個形，然後噴SPARY！

我當日就用左 (2014年將於WATSON'S 發售！):

- MARC ANTHONY - PERFECT CURL CREAM

- MARC ANTHONY - BEACH SPRAY

之後就可以去化妝喇！

當化完妝之後，個頭的曲應該已經凍左，定左形喇，大家可以用手抓鬆佢，令佢唔好太過公主，感覺就會好有歐美FEEL 嘅曲，唔係結婚嘅公主曲~

我之後就去左飲朋友喜宴，好多人都問我個頭點SET，所以我就將D相POST 出黎，希望大家都可以自己學識好好運用電捲棒，唔好浪費已經買左，但又唔知點用，只係擺埋一邊嘅好工具啦！

- MARC ANTHONY - PERFECT CURL CREAM

- MARC ANTHONY - BEACH SPRAY

- Panasonic EH1771 - ionity

[‧其他文章‧]

[‧Youtube‧]

2013 眼線 review (一) 韓國篇

New* SNAP MAGAZINEE-mail: leesiuj@gmail.com | About Me

Thank you for visiting, Twinkle C x Siu J. The Full Time Beauty Blogger.
以上產品及資料, 部份由商家提供, 使用心得為個人意見的分享, 最終效果因人而異。