最先進808nm納米波長無痛脫毛新體驗~ Dream Beauty Pro

話說早前去左另一間美容中心做激光脫唇毛~
但因為做得3次,隔左一排後, D毛毛又走番出黎~
 
雖然已經無之前咁多, 但有毛毛既位置成日都暗暗黑黑咁,好似有兩撇鬚係度咁!
真係好想清走哂佢呀~
 

 

 
今次, 我揀左長腳蟹呂慧儀做代言人既 
Dream Beauty Pro
幫我清走埋呢D麻煩既毛毛~ 

 

 
 
去到位於旺角的脫毛中心 (信和對面)
接待員都好熱情咁款待
並無因為我係BLOGGER 而懶懶閒 
 
(老實講, 真係有試過被白鴿眼對待,仲要唔止一次
其實, 如果唔想BLOGGER 試做既, 可以唔搵架, 唔好搵左人黎又好似施捨俾人咁~><) 
 
首先,當然要填好D個人資料同病歷史。
之後美容顧問就好細心咁解釋今次既脫毛療程
 
 
 試過有讀者SEND EMAIL 黎問我, 點解做LASER 都要做咁多次?
佢SUPPOSE係一次都無哂啦~
 
其實LASER 係利用光同熱能破壞毛囊生長,等佢無得再生出黎~
但一定要有毛毛, 即係有黑色素先可以吸光~
所以, 要一個一個週期, 等未生毛既毛囊生左出黎先可以再打。
 
亦因為咁, 所以手手腳腳呢D 較粗既毛地方效果會好快, 因為粗毛吸光快好多
但唇毛個D因為太幼,吸光能力較弱,所以做既次數要多D~!
 
聽完美容顧問咁清楚既講解後就可以入房啦~
經過一個弧形既走廊,都有唔少房間喎~
相信就算PEAK HOUR 都應該BOOK到房做既~
 

 

 
入到房啦~, 房間簡潔整齊,
當然仲有一個大衣櫃俾我地放衫同袋~(唔記得影) 
而且大衣櫃就算冬天放長褸都夠位添呀~
唔使下下將D衫放到儲物室,方便又安心好多~
 

 

 
首先,美容師會幫我地除去多餘既毛先~
呢度會用電動剃毛機幫客人剃毛的
好似係我做咁耐LASER 脫毛以來都係第一次用電動剃毛機呀~
 

 

 
用電動剃毛機最起碼唔怕刮損嘛~(我真係好怕用剃刀的, 平時自己係屋企都唔會敢用~HAHA)
 
清理完毛髮後,就幫我蒙眼同搽GEL 啦~

 

 
搽左一層厚厚既GEL 就開始做啦~
 
呢部機既頭好細, 只係發出熱能咁~
連一下一下打落去都完全無感覺。純粹感覺佢發光咋~

 

 
美容師一邊打一邊都提醒我佢依家做邊個部位~
 
不過呢,其實佢做邊個位都無咩所謂,因為我係完全零感覺~
只係FEEL到佢放部機落黎, 聽到 "嘚嘚"聲,咁就打完了~
連平時個D燶味都無喎~
唔講真係唔知佢已經打左了~@@

 

 
 
據美容顧問講,呢部機係最新既808nm納米波長
係現時最先進既LASER 脫毛機
唔單止有效深入毛囊將毛髮清除,而且仲係完全無痛架~
(好似我做上唇呢D咁薄皮既地方都完全唔會有任何感覺) 
 
話咁快就做哂啦~ 
美容師亦好細心同好溫柔咁幫我搽番D 補濕GEL~

 

 
可以見到就算啱啱做完療程, 上唇皮膚一DD紅都無架~
證明呢個LASER 真係完全無痛同無刺激性~

 

 
所以就算做完LASER 後, 
去梳妝台係咁易執番D眼耳口鼻就可以出得街啦~
完全唔使怕會紅腫唔見得人喎~

 

 
 
體驗左無痛既脫毛過程,但效果會係點呢?
記得留意之後既分享啦~
 
想知多D Dream Beauty Pro 的資料,可以瀏覽以下網站:

 

 

 

如要聯絡本人,請電郵至:smonkichi@hotmail.com

 

My Blog Link :