放工拍拖好去處❤❤Love in Dark婚前試愛

搞婚禮幾忙都好，都要抽時間同另一半出去拍下拖，所以放工拍拖好去處就去「黑暗中對話」，情人節買一送一優惠，最後環節係黑暗中寫字畫畫俾對方，我當然希望以後恩恩愛愛啦！未結婚既伴侶都值得玩下，最好星期一至六去喇。

籌備婚禮實在唔少壓力，大家總有意見不合既時候，甚至我同老公初初因為婚事而成日嘈交，搞婚禮幾忙都好，吊頸都要抖下氣，唔好忘記都要抽d時間同你既伴侶拍下拖，始終將來同你過一世既系渠，而唔係其他人

當我呢幾個月settle down重要野之後，我先發覺fb有個廣告宣傳拍拖車好去處的黑暗中對話買一送一既情人優惠〜重要白色人節時已經開始緊，咁我就買黎同老公輕鬆下喇〜忙裡偷個閒

呢間系社會企業，我兩三年前玩過，系一個幾有意義既活動黎既〜渠原本情人一對玩系$ 280一位（嘩其實好貴玩75分鐘），而家買一送一咁半價我先覺得值得玩下

其實視障人士既生活一d都唔簡單，系伸手不見五指既環境下，原來真系好驚撞到人，原來對聲音真系好敏感，原來嘈雜既環境我會好驚，尤其系紅綠燈既聲，一聽綠公仔狂閃既聲系會令你好緊張，因為你唔知前面既馬路重有幾多先行完

體驗活動成個過程我唔分享喇〜講左就無驚喜喇〜呢個都系親身體驗下比較好，咁先會感受到大家難關中互相扶持，只能彼此依靠對方既感覺

我淨系分享最後個環節俾大家喇〜就系要系黑暗中寫字同畫畫俾對方，真系唔容易架〜但我覺得我自己畫到眼耳口鼻整整齊齊已經好叻，系一隻耳仔飛左出街啫哈哈

一直做緊CD-ROM既哇友，即使未計劃結婚都可以同你既伴侶去玩下呀

Fb的話個優惠延長到去6月30咋〜
不過勸大家星期一至六去〜星期日公眾假期好似d full time放哂假咁〜端午節去reception個三個男仔木口木面咁，完全系返工等放工好去處既兼職，呆呆滯滯

文章來源:https://wow.esdlife.com/space.php?uid=76199&do=blog&id=349164