【♥不再做小胡子女生 @ Dream Beauty Pro ♥】脫唇毛篇(I)

因為工作關係, 我成日都要見客, 好多機會跟其他人面對面交談. 所以我比較注重自己儀容, 每日都會化個靚靚妝容先返工.

就因為時常要化妝, 我發覺面上的毛毛真係好礙眼, 特別係唇毛. 試諗下, 即使你化左個無敵靚妝, 但當其他人近看(就算只是普通交談的正常距離) 都好容易見到你唇上的”胡子”.  所以我平時都會選擇最快速方法- 剃唇毛.

但久而久之, 我發現唇上生出黎既毛髮越來越粗, 而且毛孔仲左越來越大.  開始擔心長此落去…唇上毛孔會唔會一發不可收捨地變大.  跟朋友傾開呢個問題, 友人就建議最好做激光脫毛一了百了. 但我有D怕痛wor, 點算好呢!! 有無一種脫毛係唔痛架?

最近有救星出現啦,我去左Dream Beauty Pro進行激光脫唇毛.

當公關小姐話佢部新機, 脫唇毛唔會好似坊間的脫毛機咁令到肌膚疼痛, 脫毛既地方會感到冰冷感時, 我即刻好心動. 所以就約左10月尾上去旺角銀座總店試做.

Dream Beauty Pro係一家「光」之專門店，員工以專業為先，而且嚴選高質素產品，引入最嶄新科技儀器，收取最合理價錢。而且凡事用心，效果為先, 為客人提供專業光學護膚、激光脫毛、光纖塑身、專業美容、面部及暗瘡護理服務。

而且佢地既服務一直得到好多客人肯定, 公司每年都得到唔少獎項.

一開始既時候會有專業顧問同你講解同分析毛髮問題, 期間如果有任何疑問都可以問清楚顧問先開始做脫毛. 我一再追問顧問脫唇毛係未唔痛架(麻煩又怕痛既女生!!). 顧問都好耐心答我: 進行脫毛時皮膚只會感到冰冷感覺, 因為脫毛機的機嘴會射出激光同時會有冷凍效果, 所以會減輕刺痛感. 不過 痛的感覺都是因人而異.

之後就有職員帶我入房間進行激光脫毛療程.

房間裝潢以冷色調為主, 所以感覺好舒服同Relax.

而我只是脫唇毛, 所以唔需要更衣就可以直接訓上床.

俾大家睇下我既胡子上唇啦. 我的毛毛是屬於長而疏的那種.

有見到我長長的唇毛跟大家say hi嗎?!

幫我進行脫毛療程的女職員唔單止聲音溫柔, 而且仲好細心. 佢知道我做完脫毛後約左朋友外出, 所以話只幫我卸除上唇需要做脫毛既化妝. 我做完之後只需要補一補妝就可以外出.

職員先幫我上唇卸妝, 再用剃刀清理一下唇上既毛髮(因為皮膚表面需要留有毛髮, 才可以有效脫毛, 所以建議大家如果可以, 係做激光脫毛前唔好處理毛髮,特別唔好用連根拔起既方法處理)

之後再塗上一層啫喱就開始用激光機脫毛啦. 今次用既機係808mm納米波長, 而且打激光過程真係唔覺得痛, 只係感覺冰冰涼涼的. 又完全無燒著毛毛既燶味. 而且幾分鐘就完成.GOOD

分享一張做完激光脫毛既相,  完成後上唇無任何刺痛感覺, 只係感覺皮膚比較乾,而且肌膚都無泛紅.  做完即日出街都無問題. 而職員同顧問都提我返到屋企要多做保濕, 一星期內唔可以做磨砂, 減低對皮膚既刺激.

如果大家唔太清楚激光脫毛原理, 下面張圖應該可以幫到大家:

*圖片COPY至Dream Beauty Pro網頁

Dream Beauty Pro的店內有提供梳妝台, 內有基本的用品. 而且是單人使用的區域. 等客人完成療程後可以有私 人空間補補妝、執下個樣先走.  唔怕俾其他人見到.

第一次完成療程, 感覺職員同顧問都好專業.而且每做一個步驟佢地都會話我知, 等我清楚知道自己做到去邊一個STEP.  而且脫毛過程中會同我傾下計, 時不時問我有無不適、有無痛等等. 令我增加安全感同舒緩我的不安. 始終做激光難免有點兒緊張.

由完成第一次療程到寫blog日, 相隔只係做左一個星期左右, 暫時未見到有好大的效果, 只係見毛毛好似生得慢少少. 而我總共會進行4次療程, 所以等我下次再做第二次療程時再同大家update一下進度啦.

如果大家有興趣, 可以上Dream Beauty Pro 官網同Facebook了解更多詳情:

Dream Beauty Pro 官網:  http://www.dreambeautypro.com/

FACEBOOK: https://www.facebook.com/DreamBeautyPro

**************************************************************

產品及資料由Dream Beauty Pro提供

歡迎邀稿│合作試用│出席活動:

年糕 email: lincolefu@yahoo.com.hk

我的Blog:

iTrail: http://itrial.hk/user/fufuchau

Try it: http://www.tryit.hk/refer/Lincolefu/

Beauty Exchange: http://www.beautyexchange.com.hk/blog/LINCOLEFU

TheZtyle: http://lincolefu.theztyle.com

Beautylife: http://www.beautylife.hk/?5610

Fashion & Beauty:  http://www.fnb.hk/blog/33743

Ubeauty: http://blog.ulifestyle.com.hk/blogger/lincolefu/

Qooza Beauty: http://beauty.qooza.hk/u/LincoleFu/shares

She.com: http://blog.she.com/lincolefu/