SmarTone 4.5G上網大解構!4.5G上網究竟喺咩嚟?同4G上網有咩分別?

4G上網大家可能聽得多,但SmarTone嘅4.5G上網大家又知唔知喺咩嚟呢?其實4.5G可以話喺「Pre 5G」,咁究竟4G同4.5G有咩分別呢?4.5G比較重視嘅喺網絡穩定性同流暢度,以減少「一時好快、一時好慢」嘅情況出現,但要注意唔喺部部機都可以用4.5G㗎!

 

4.5G 懶人包一睇就明!實測 + 解構南港島線 4.5G 網絡

 

4.5G - 一個熟悉又陌生的詞言。

 

近月各大網絡商都開始力推 4.5G,甚至有部分更強調新開通的南港島線已經全面投入 4.5G 網絡,讓用家可享受媲美、甚至比地面更佳的流動上網體驗。

不過講咗咁耐,似乎就未有網絡商可以清晰講出到底 4.5G 到底係咩?速度上有幾快?最重要係對現有用家來講,又使唔使換機先享受到 4.5G 帶來的好處呢?

 

小編今次就借測試南港島線網速的機會,為大家解構 4.5G 網絡。

 


 

解讀 4.5G



正如字面意思般,4.5G 就是 4G 的持續演進技術。作為 5G 來臨前的一站,4.5G 對應 3GPP 提出的 LTE-Advanced Pro 標準,主要將部分 5G 技術提前「下放」到現有網絡之上,當中主要包括:

 

.3CCA 載波聚合或以上
.4x4 MIMO 或以上
.256QAM

 

基本上只要滿足到以上的技術條件,網絡商都會將自家網絡稱為 4.5G,香港除了將名字由「Pre 5G」改成 4.5G 的 SmarTone 之外,3 香港、中國移動香港亦有推出 4.5G 網絡。

 

當中 SmarTone 就用 900/1800/2100/2600MHz 做到 4CCA,而中國移動香港就用 1800/2100/2300 (TDD) /2600MHz 四段頻譜。


▲載波聚合是 4.5G 其中一個重要技術,如果將各段 4G 頻譜想像成水喉的話,載波聚合就可以將幾條水喉 (頻譜) 整合,為用戶帶來更多、更大的水量 (數據速度) (圖片來源:go2get.me)

 

有別於 4G 推出時有明確的理論值速度,4.5G 並未特別強調下載速度有幾快。

 

用家如果用 SpeedTest 等軟件測速的話,4.5G 速度可能同以往試到的最高速度唔會相差好遠。不過由於 4.5G 主打 CA 載波聚合、4x4MIMO 等技術優化,網絡穩定性及流暢度都會大增,一個基站可同時處理更大的數據吞吐量。換言之就算好多人同時使用網絡,4.5G 仍然可以維持到速度表現,唔會話因一個人佔用大量頻寬而拖慢其他人的速度,減少「一時好快、一時好慢」等情況出現。

 


▲ 雖然 4.5G 無講明速度有幾快,但普遍來講都有 100Mbps 以上的下載速度,小編實測時甚至試過去到 300Mbps

 


 

咩機先用到 4.5G?

 

由於 4x4 MIMO、256QAM 都係網絡方面的技術,因此要用到 4.5G,其實只要手機支援到三載波聚合或以上就 OK。

 

看似條件相當簡單,其實暗藏難題。因為就算手機對應所需的 LTE 頻段,亦唔代表會支援該頻段的載波聚合。以 iPhone 7 為例,雖然有齊 900/1800/2100/2600MHz 等 LTE Band,但港版其實只支援 900/1800/2100 三載波聚合,對於未將 2100MHz 重整 (Refarm) 至 4G 的網絡商來講,iPhone 7 就會用唔到三載波聚合,未能發揮最大優勢。

 

小編以下整理已知支援 3CCA 三載波聚合的手機

 

900/1800/2100MHz 3CCA
.iPhone 7
.iPhone 7 Plus

 

900/1800/2600MHz 3CCA
.Samsung Galaxy S7
.HTC 10
.LG V20
.HUAWEI Mate 9



▲ 港版 iPhone 7 都支援 3CCA,但對應的頻譜同其他 Android 手機略有不同

 

雖然 iPhone 7 暫時僅支援 900/1800/2100MHz 3CCA,但據小編了解,蘋果其實是可透過軟件更新,加入 900/1800/2600MHz 3CCA 的支援,到底未來 iOS 更新會否加入這方面的支援呢?用家唯有拭目以待啦!

 

至於 4CCA 呢?其實現時 SmarTone、中國移動香港都表示過在網絡方面已經做到 4CCA,惟可惜 2016 年手機、SoC 均未支援 4CCA,最快都到等到 2017 年首季發表的新機先有。

 


 

要換機先享受到 4.5G?

 

當然要真正享受到 4.5G 的 3CCA 網速的話,就一定要換支援 3CCA 的手機先得,小編測試過,南港島線的 4.5G 網絡平均都有 100MB 以上的網速,以車站來講速度表現相當出色。

 

但與此同時,由於 iPhone 7、S7、V20 等新機的網速加快,可以更快速完成下載等任務,其空出頻寬予其他用家使用。換言之就算係用緊只支援 1800/2600 的舊 4G 機用家,網絡體驗也會因 4.5G 開通而簡接變得更佳。

 


▲ 4.5G 可讓手機更快完成影片串流等任務,空出頻譜予其他手機使用。因此就算用緊蕭 4G 手機,都有簡接得益

 


 

對應 iPhone 7 三載波聚合!實測 SmarTone 4.5G 網絡

 

最近有到過海洋公園站的網友,相信都見到 SmarTone 鋪天蓋地的 4.5G 宣傳吧。

SmarTone 是現時少數強調在南港島線提供 4.5G 服務的網絡商,咁到底實際上又有幾快呢?小編分別於各站進行網速測試。

 

南港島線各站網速實測:

 

網絡:SmarTone 下載速度 上載速度
金鐘 (L5 層) 147.89Mbps 20.09Mbps
海洋公園 81.40Mbps 17.94Mbps
黃竹坑站 139.46Mbps 20.10Mbps
利東 141.78Mbps 19.95Mbps
海怡半島 159.42Mbps 20.61Mbps

 




▲ 除了測速之外,小編也用 Youtube App 實試上網效果,畢竟網速去到 100Mbps 以上,就算將畫質調整至 1440P,也無需額外的等候載入時間

 

另外如果有留意開網絡頻譜消息的話,可能都記得在 HKT 收購 CSL 時,承諾將手上部分 3G 2100MHz 頻譜交還予政府拍賣,當中分別由中國移動香港及 SmarTone 投得。

 

當 SmarTone 於今年 10 月完成交易後,就直接將新獲得的頻譜投入至 4G 網絡,為原有的 900/1800/2600MHz LTE 網絡加入 2100MHz ,組成 4CCA 4.5G 網絡。

 


▲ SmarTone 4.5G 可完美支援 iPhone 7 的 3CCA,實測時下載網速平均都在 100Mbps 或以上

 

咁 SmarTone 呢個900/1800/2100/2600MHz 4CCA 網絡又有咩特別呢?

 

雖然現時仍未有支援 4CCA 的手機,不過之前都講過港版 iPhone 7 其實僅支援 900/1800/2100 呢三段頻譜的 3CCA,雖然各網絡商都有計劃將將手上的 21003G 網絡 refarm 至 4G。但在 refarm 完成之前,新取得一段 2100MHz 頻譜的 SmarTone 就會係少數可完美支援 iPhone 7 3CCA 的 4.5G 網絡。

 


 

咁其他港鐵車站幾時有?

 

講咗咁耐,可能網友會問,咁其他港鐵站又幾時先會升級 4G 網絡?根據 SmarTone 方面的消息,就話關於港鐵內的 4G 升級,黎緊會有兩項工程做緊


▲ 尖沙咀站大堂已鋪設 2600MHz LTE 及 MIMO,現場試下載網速超過 100Mbps

 

1. 啟用 2100MHz

 

SmarTone 港鐵 4G 其中一個大升級,就係會率先於現有的 900+1800 網絡之上,加入 2100MHz 4G,而且唔使等好耐,因為有部分車站已經用緊啦!

 

SmarTone 回覆指現時已在 49 個地底港鐵站啟用 2100MHz LTE,最快將於 2017 年 2 月完成 76 個地底港鐵車站的 2100MHz LTE 升級。到時除咗 iPhone 7 可以用到 3CCA 載波聚合,其他支援 2100MHz 的 Android 手機如 S7 edge、LG V20、Xperia XZ 亦會有額外頻寬可用。

 




▲ 鰂魚涌站至油塘站之間的海底隧道「必斷位」終於有得搞!

 

相信唔少住港島東、東九龍的用家都知,呢個過海位一到返工返學幾乎係必斷。原因其實係當年起地鐵時,網絡設備其實只係為 2G 網絡而準備,就算之後有3G、4G,但始終隧道內用的係舊器材,因此無辨識應付高流量,但預計呢個問題好快就會透過升級工程解決。

 

2. 加入 2600MHz 及 MIMO

 

除了 2100MHz 之外,主要港鐵車站亦會於未來 2 年之內進行 2600MHz LTE 升級工程,除了終於將 2600MHz LTE 打入地底之外,亦會同時支援 MIMO。

 

而至於時已完成 2600MHz 升級的就有尖沙咀及太子站的大堂,今個月會進行北角站的升級工程。此外鰂魚涌站至油塘站之間的海底隧道「必斷位」,亦會透過今次工程而解決。

 

轉載自: http://www.ringhk.com/news2.php?id=14256