激光脫毛中心內幕: MEDILASE DERMES LUMIERE唔會話你知既秘密

出名既激光脫毛中心有好多,例如有dermes,medilase,lumiere等等,當中好多激光脫毛中心為咗搵生意都會出盡法寶,有啲以最新技術或者儀器做賣點,有啲話全港最抵…可能我自己做過兩間激光脫毛中心既員工,我最怕見到啲脫毛公司為咗搵客,亂講脫毛原理,可能某啲脫毛公司既sales根本對激光脫毛無咩認知,但都亂講一通… 我自己做過兩年,可以share一下之前工作上學到既脫毛concept俾大家~等大家對激光脫毛有基本認識,唔會咁易畀人混淆

dermesvsmedilase
(以前返工好似返學咁,要上好多脫毛堂 XD)

 

 

激光脫毛原理、技術及儀器

 

簡單嚟講,激光脫毛既原理係令毛囊同毛髮裡面既黑色素吸收激光,然後轉化為熱能去破壞毛囊,令毛髮唔可以生長。坊間激光脫毛中心用既激光波長一般係755nm/ 808nm/ 1024nm, 當中755nm激光波長係最適合亞洲人膚色,最有效既激光脫毛波長,dermes,medilase等等都用755nm,所以大家選擇激光脫毛公司時可以首先留意一下係唔係755nm激光波長先~

 

曾經聽過朋友同我講,有脫毛中心話機頭越大,越能夠將能量深入毛囊底部,令脫毛效果更好;但其實激光能量可以有幾深入毛囊,係取決於激光波長,而唔係機頭大細 -_- 機頭大即係每下激光既覆蓋範圍大,每下激光之間既空隙亦相對大,容易打漏毛毛;如果治療師唔夠細心,overlap咗每下打激光既位置,更可能會造成燒傷。相反用細機頭既話,其實做到既效果會比較細緻,因為每下激光之間空隙比較細,而且細機頭可以take care到一啲需要細心處理既部位,例如上唇同腋下,所以有得揀既話,我會建議sis揀細機頭。

dermesvsmedilase

我亦聽過有人話選擇脫毛機要留意脈衝持續時間,脈衝時間越短,皮膚接收能量就會越多,令脫毛效果更好…其實脈衝持續時間係要根據唔同皮膚組織既散熱時間而調整,每個皮膚部位散熱時間都唔同,所以脈衝持續時間並唔係單方面既越短越好,應該係利用選擇性光熱技術自行調整;激光能量亦唔係越高越好,整個激光脫毛過程應該係由專業治療師評估每個位置毛囊需要既能量而調節輸出焦耳數量,而唔係調整脈衝時間去控制皮膚接收幾多能量。

dermesvsmedilase

我以前都係調高或者調低激光能量,則係左上既J,其他都交俾儀器自動調節。

 

激光脫毛無痛方法

 

話激光脫毛唔痛就一定呃你,但係果間激光脫毛中心喺做激光前後,點樣幫你保護皮膚就真係對激光脫毛時既感覺有好大影響啦! 我以前做果兩間脫毛公司,其中一間就會幫客人先敷冰,然後用一啲冰凍既啫喱幫客人降溫,而另一間就靠哂脫毛機本身噴冷凍劑出黎,令客人脫毛時舒服啲。根據我既經驗,前者既客人通常都做得比較舒服,而後者既客人就時不時問我可唔可以調低啲度數,因為真係好痛… 而呢兩間脫毛中心既客人,做完脫毛療程後既效果亦都分別不大,所以我會建議sis揀間會做多少少護膚措施既激光脫毛中心,既然做完既效果一樣,點解唔揀間脫得舒服啲既?

 

有人話搽凍gel或者敷冰等等既冷凍方法會影響脫毛效果,其實敷冰、凍gel只係令脫毛時涼涼地舒服啲,同時保護保濕皮膚,等皮膚唔會被破壞毛囊時所散出既熱能傷到,並唔會影響到毛囊同埋毛髮吸收激光,轉化熱能既過程。而且敷冰同凍gel仲可以將皮膚保持係最佳脫毛溫度,令脫毛效果更理想~最緊要係,我見有做多重護膚措施既客人喺脫毛過程舒服啲之外,脫毛效果亦都好好,所以呢啲護膚措施並唔影響脫毛效果架!

 

脫毛速度

 

最後亦都係最好笑既一個point,竟然有脫毛公司標榜可以5分鐘做完1次treatment,行內人一睇真係得啖笑,當間脫毛公司以「快」做賣點,自然會set治療師一日做幾多個客,搞到治療師要為咗追到呢個quota快手做密密做,大家諗都諗到咁樣趕工點會做得好,點可以逐條毛毛打,脫毛係唔會有快靚正既!可以俾個小貼士大家~選擇脫毛公司前一定要試做,試做時留意下留意治療師手勢,果啲標榜超快做完既公司,佢地既治療師因為慣咗快做,唔會逐下逐下好仔細咁打落去,攪到脫毛部位一撻撻咁,記住試岩手勢先join treatment啊~!

 

一啲大既激光脫毛中心例如dermes、lumiere、medilase都有得試做,sis 可以試清楚先~

 

dermes: http://www.dermes.com.hk/tc/promotion/DSELA0915A?ref=DBLOA0716U
lumiere: http://www.lumiere.com.hk/staging/Free_Trial/
medilase: http://www.medilase.com.hk/%E6%BF%80%E5%85%89%E8%84%AB%E6%AF%9Bmedilaseprou/%E5%85%8D%E8%B2%BBPRO-Test%E9%AB%94%E9%A9%97/