泰國慶生 – 4日3夜食住嘆之旅 – 美食篇 – DAY 2 & 3

by Cherli
January 3, 2015

上回講到 DAY 1食咗一個超豐富的法國大餐。食過那個 SIGNATURE 9 COURSES，當晚令到不長肉的 Cherli 飽到想嘔之餘，即時重了 1KG，超神奇呀~ 所以，在 DAY 2 和 DAY 3 要轉一轉口味。

DAY 2 - Harrods Tea Room

Harrods 是著名的英國品牌，相信喜愛西式茶點或者熊仔都一定不陌生的喔~

Harrods Tea Room 座落在曼谷大型商場 Siam Paragon 內，一入商場落扶手電梯見到四周圍竪立著人咁高的熊 Bear Bear就係啦~

可能當日不是假日，去到門口只係等了數分鐘已經可以入座了。

點叫了一個標準的三層英式 Afternoon Tea Set，老實講，味道不算是很特別的喔，但兩個人食係超膩。

幸好那壺茶也為整個 Set 挽回分數，原本 Cherli 希望可以飲最喜愛的 Earl Grey，可是經已售光了，但侍應為我們推介了摩洛哥薄荷茶，味道清清涼涼的，相當容易入口，真係冇介紹錯呀~

總括來講，未試過來這間餐廳食嘢或者熊仔愛好者可不妨一試，但不要對甜點抱太大期望。而像 Cherli 這種喜愛飲英國茶的人來說，可以到餐廰對面的店鋪購買茶包自行沖泡。

DAY 3 - 唐人街大排檔

食咗兩日西餐，終於可以食番 d 泰國風味食物，於是兩人走進唐人街揾食~

原本已經離鉄路站有一段距離的唐人街，加上修路大工程，心想要放棄的時候，有一名好心的伯伯無施的願意為我們帶路，大約行了10-15分鐘便到達了。

我們二話不說，直接到最多人的一家大排檔坐下來，點叫了清蒸蟹、東風螺、辣味蒸魚和一支 SINGHA BEER。

一見到條蒸魚是以一個魚形的鍋上枱，真的好趣致。鍋底個火一直滾著條魚，初時好担心d 湯會唔會滾瀉的呢? 其實係唔會的，只是大排檔的地下比較崎嶇不平，唔整冧張枱就冇事。另外，我們一邊食清蒸蟹和東風螺，一邊飲啤酒，旁邊的人客看見我們吃得滋味，也跟著點叫啤酒。最後，我哋食到啜哂手指捧著肚走，都只係 1,300 泰銖，好好味呀~

好啦，食咗咁多，係時候落住格返酒店同大家睇睇間酒店房啦~ 下回見~