成日0係lihkg同高登睇到話HKUE & amec 呢間學校好伏又呃人係黑店,其實係咪真?

成日0係lihkg同高登睇到話HKUE & amec 呢間學校好伏又呃人係黑店,其實係咪真?點樣先叫黑店?係咪除咗八大,其他學校就係伏,就係呃人?
絲打利申:讀八大附屬學院TOP-UP, 家姐讀八大Degree, 細佬讀HKUE TOP-UP
家姐由細到大讀書好好,咁當然順利入U啦。我一向讀書普普通通, 會考只叫做合格, 8大就入唔到啦,唯有讀附屬學院上top-up degree囉,而細佬DSE中文唔合格,讀唔到八大附屬學院, 經朋友介紹入左HKUE讀DIP再讀上去top-up, 依家我地都係所謂既大學畢業。Lihkg同高登巴打會唔會覺得八大附屬學院 / HKUE 呢類學校都係一個伏,係呃人,係黑店,都係讀唔到書又唔想出去做野個d廢青先入去hea下, 逃避現實呢? 如果你係咁諗, 我想話你知事實係咩。

亞嬌話斎, 個個讀書, 唔通個個又想讀咩? 係香港呢個社會, 無一張degree既cert出到黎可以做d咩工? 搵到幾多錢一個月? 可唔可以應付生活先? 雖然有張cert都買唔到樓, 但至少做多幾年都可以叫做生活, 而唔係生存呀。如果無張cert, 一係做sales, 一係做苦力, 想舒舒服服坐office, 咪黎做去都係文員仔搵13,4k一個月,咁點生活落去。 所以對於我黎講, degree張cert係為左搵工方便d,無左呢張cert無咁多工種可以apply。依家我地三個都讀大學, 搵既工都係文職,分別唔大,如果打工既,其實都係搵咁上下既錢,除非做政府工就可能會多d錢。其實唔同既學校只係比唔同程度既學生一個機會去進修, 去得到一張大學證書, 方便d去搵工姐。以前我同細佬讀top-up個時一樣,都要趕assignment趕到半夜,考試一樣要溫書溫通頂,同八大一樣, 讀top-up仲多左樣野,你所有既assessment都要比外國院校check過先比個分你, 一d都唔可以hea做。如果你家景好d既仲可以去外國讀埋個final year, 返到黎就叫做浸過鹹水添, 當然我呢d窮絲就無咁好彩啦! 所以我希望各位巴打唔好再歧視我地呢d畢業生, HKUE呢類學校都係一個地方, 比緊機會年青人去拎一張大學証書姐, 咩黑店, 咩伏, 咩呃人, 完全係睇你點讀書, 你叻既一樣可以拎晒HD畢業。